वीरगन्ज । वीरगन्जको घडीअर्वास्थित छठपूजा व्यवस्थापन समितिको लक्की ड्र को नतिजा सार्वजनिक भएको छ । घडीअर्वा पोखरी परिसरमा आज एक कार्यक्रमको आयोजना गरि लक्की ड्र को नतिजा सार्वजनिक गरिएको हो ।
सो अवसरमा चिठ्ठा परेका व्यक्तिहरुलाइ पुरस्कृत गरियो । वीरगन्ज-१० का वडाध्यक्ष सुशील साह कानुले पुरस्कार प्रदान गरेका थिए ।
लक्की ड्रको नतिजा अनुसार ६६४२ नम्बरका बिजेताले प्रथम पुरस्कार स्वरुप इलेक्ट्रिक स्कुटर प्राप्त गरेका छन् । यसैगरी दोस्रो भएका ११९८ नम्बरका बिजेताले एल.सि.डी टिभी प्राप्त गरेका छन् ।
तेस्रो भएका २४२६ नम्बरका बिजेताले फ्रिज पाएका छन् ।
घडिअर्वा छठपूजा व्यवस्थापन समितिका अध्यक्ष दिलिप कुमार साह कानु, उपाध्यक्ष राकेश कुमार साह, समितिका निवर्तमान अध्यक्ष रामनगिना साह कानू, सचिव लखनलाल गुप्ता, कोषाध्यक्ष कन्हैयालाल गुप्ता, सदस्य नन्दु साह कानु, छठ पुजाका सुरक्षा समितिका संयोजक मनोहर साह, प्रचार प्रसार समितिका संयोजक क्रान्ति साह, उप-संयोजक प्रणय साह, घडिअर्वा स्पोटर्स क्लबका अध्यक्ष सन्तोष गुप्ताको उपस्थितिमा कार्यक्रम सम्पन्न भएको थियो ।
