वीरगन्ज । वीरगन्ज महानगरपालिका वडा नम्बर १९ बिन्दबासीनीमा कुस्ती खेल आयोजना गरिएको छ । स्थानीय बिरबहादुर यादवले छठ पूजाको अवसरमा आइतबार विराट कुस्ती खेल आयोजना गरेका हुन् ।
प्रतियोगीताको वीरगन्जका उपप्रमुख इम्तियाज आलमले रिबन काटेर उद्दघाटन गरेका थिए । प्रतियोगीताको उद्दघाटन गर्दै उपप्रमुख आलमले कुस्ती खेलले शारीरिक तथा मानसिक रुपले शरिरलाई स्वथ्य राख्ने विश्वास व्यक्त गरे ।
उनले यो खेलले शरिरलाई चुस्त दुरुस्त बनाउनुका साथै मानसिलाई फुर्तिलो र चनाखो बनाउन मद्दत गर्ने बताए । कुस्ती खेल आयोजनाका लागि आगामी दिनमा महानगरले सहयोग गर्ने उनको प्रतिवद्धता छ ।
सो अवसरमा वडा १९ का अध्यक्ष मुकेश चौरसिया, ओमप्रकाश सरार्फ, धर्मराज यादव लगायत स्थानीयबासिन्दाको सहभागीता रहेको थियो ।
