वीरगन्ज । श्री वीरगन्ज जीतपुर गौशालाको वाार्षिकोत्सव एवम् साधारण सभा सम्पन्न भएको छ । महानगरको वडा नम्बर २४ रामगढवास्थित गौशालाको ११८ औँ गोपाष्टमी वाार्षिकोत्सव एवम् साधारण सभा सम्पन्न भएको हो ।
बिरेन्द्र कुमार संघाईको अध्यक्षता एवम् संघ सरकारका कानुन मन्त्री अजय कुमार चौरसियाको प्रमुख आतिथ्यता कार्यक्रम आयोजना गरिएको थियो ।
साधारण सभामा महासचिव देवकी नन्दन अग्रवालले गौशालाको वार्षिक प्रतिवेदन पेश गरेका थिए । भने आयव्यय प्रस्तुत कोषाध्यक्ष प्रभु दयाल अग्रवालले गरे ।
कार्यक्रममा श्री वीरगन्ज जीतपुर गौशालाका पदाधिकारी एवम् सदस्यहरु, वीरगन्जस्थित भारतीय महावाणिज्यका दुत देवी सहाय मिणा, वीरगन्जका पूर्व नगरप्रमुख बिजय कुमार सरावगी, काङ्ग्रेसका नेता नरेन्द्र शाह, राप्रपा नेतृ बिना जयसवाल, पूर्व मन्त्री ओमप्रकाश शर्मा, सशस्त्रका पर्सा प्रमुख राधेश्याम धिमाल, सेवक संघ पर्सा अध्यक्ष मुरलीधर रुंगटा, वडाध्यक्ष जयप्रकाश साह, पूर्व वडाध्यक्ष रामनगिना प्रसाद साह लागयतको सहभागीता रहेको थियो ।
