सिरहा । सिरहामा एक जना युवकको शव फेला परेको छ । लहान नगरपालिका वडा नम्बर ३ रघुनाथस्थित एक जना युवकको शव फेला परेको हो ।
आज बिहान लक्ष्मण ललिता कुशवाह माध्यमिक विद्यालय नजिकै धान खेतमा घोप्टो परेको अवस्थामा युवकको शव फेला परेको प्रहरीले जनाएको छ । मृत भेटिनेमा स्थानीय १८ वर्षीय मोहम्मद इमरान अन्सारी रहेका छन् ।
अहिले शव घटनास्थलमै रहेको बताउँदै प्रहरी घटनास्थलको प्रकृति मुचुल्का उठाउने काम भइरहेको जनाएको छ ।
घटनाबारे आवश्यक अनुसन्धान भइरहेको प्रहरीले जनाएको छ ।
