वीरगन्ज । रुखबाट खसेर सर्लाहीमा एक जना वृद्धको मृत्यु भएको छ ।
लालबन्दी नगरपालिका वडा नम्बर १ नवलपुरस्थित रुखबाट खसेर एक वृद्धको मृत्यु भएको हो । मृत्यु हुनेमा स्थानीय ७२ वर्षीय छत्रबहादुर कार्की रहेका प्रहरीले जनाएको छ ।
इपिलको रुखमा चढेर घाँस झार्ने क्रममा कार्की रुखबाट लडेका थिए । रुखबाट लडेर गम्भीर घाइते भएका कार्कीलाई स्थानीय मेडिकलमा सामान्य उपचारपश्चात थप उपचारका लागि नेशनल मेडिकल कलेज वीरगन्ज ल्याइएको थियो ।
उपचारकै क्रममा उनको मृत्यु भएको इलाका प्रहरी कार्यालय नवलपुरले जनाएको छ ।
