धनुषा । धनुषा जिल्लाको छिरेश्वरनाथ नगरपालिकामा शनिबार राती जुवा खेल्दै गरेको अवस्थामा प्रहरीले ३ दर्जन भन्दा बढी जुवाडेलाई नियन्त्रणमा लिएको छ ।
इलाका प्रहरी कार्यालय महेन्द्रनगरबाट खटिएको प्रहरी टोलीले छिरेश्वरनाथ नगरपालिकाको वडा नम्बर ६ सखुवा बजारबाट जुवा(कौडा) खेल्दै गरेको अवस्थामा १० लाख नगद बराबरको खाल सहित ३९ जनालाई पक्राउ गरि नियन्त्रणमा लिएको हो।
सखुवा बजारको सार्वजनिक दलानमा जुवा खेलिरहेको गोप्री सूचनाको आधारमा प्रहरी निरीक्षकको नेतृत्वमा खटिएको प्रहरी टोलीले उनीहरूको साथबाट ९ लाख ७३ हजार नगद, तास ५ बूक, कौडा २४ थान र मोबाइल ३६ थान बरामद गरेको धनुषाका प्रहरी प्रवक्ता डिएसपी वरुणबहादुर सिंहले जानकारी दिए ।
डिएसपी सिंहका अनुसार पक्राउ परेकाहरुलाई जिल्ला प्रहरी कार्यालय धनुषाको हिरासतमा राखी थप अनुसन्धान भईरहेको छ ।
