वीरगन्ज । बारा प्रहरीले ठूलो परिमाणमा लागु औषध गाँजासहित दुइ जनालाई पक्राउ गरेको छ ।
विशेष सूचनाको आधारमा प्रहरीले ३४ किलो लागु औषध गाँजासहित दुइ जनालाई पक्राउ गरेको जनाएको छ ।
प्रहरीको टोलीले सिम्रौनगढ नगरपालिका वडा नम्बर ४ गंगानगर बस्ने जितेन्द्र कुशवाहा र सरोज प्रसाद यादवलाइृ पक्राउ गरेको हो ।
सोही नगरपालिकाको हिरा महतोको गाइगोठभित्र लुकाइछिपाइ प्याकिङ् गरिरहेकै अवस्थामा गाँजासहित दुबै जनालाई पक्राउ गरिएको बारा प्रहरी प्रवक्ता प्रकाश सापकोटाले बताए ।
उनका अनुसार गाँजा प्याकिङ् भइरहेको हामीलाई सूचना आएको थियो, त्यही बमोजिम प्रहरीले छापामारी गर्दा दुबैजना पक्राउ परेका हुन ।
प्रहरी पाँच पोका गाँजासहित पक्राउ गरेका दुबैजनामाथि लागु औषध सम्बन्धीको कसुरमा कारबाही प्रक्रिया अगाडि बढाएको जानकारी दिएको छ ।
