सप्तरी । सप्तरीको राजगढ गाउँपालिकामा आज एकजना वृद्ध पुरुषको शव फेला परेको छ । शुक्रबार विहान वृद्धको शव फेला परेको सप्तरी प्रहरीले जनाएको छ ।
राजगढ गाउँपालिकामा वडा नम्बर ४ जमुवा चौकमा फेला परेको शवको सनाखत हुन नसकेको सप्तरी प्रहरी प्रवक्ता जितेन्द्र कुमार बस्नेतले बताए ।
उनका अनुसार फेला परेको वृद्धको शवको अहिलेसम्म पहिचान खुल्न सकेको छैन । तर तराइ मुलको जस्तो देखिने ७०/७५ वृद्धको शव फेला परेको उनी बताउँछन् ।
घटना भवितव्य वा हत्या हो ? यकिन हुन नसकेको सप्तरी प्रहरीको भनाइ छ । शवलाई पोष्टमार्टमको लागि राजबिराजस्थित रहेको गजेन्द्रनारायण सिंह अस्पतालमा पठाइएको प्रहरीले जनायो ।
