जनकपुर । धनुषामा बसले ठक्कर दिँदा एक बालिकाको मृत्यु भएको छ ।
जिल्लाको धनौजीमा नीजि विद्यालयको बसले ठक्कर दिँदा आरोही कुमारी मण्डलको मृत्यु भएको जिल्ला प्रहरी कार्यालय धनुषाले जनाएको छ ।
जनज्योती बोर्डिंग स्कुलको बस विद्यार्थी लिन गइरहेको समयमा स्थानीय विद्यालय पढ्न गइरहेकी बालिका मण्डललाई ठक्कर दिँदा घटनास्थलमै मृत्यु भएको छ ।
जनज्योती स्कुलको बा३प ९०६५ नम्बरको बसको ठक्करबाट घटनास्थलमै मृत्यु हुनेमा धनौजी गाउँपालिका– २ स्थित कटैयाको अन्दाजी १० वर्षीय आरोही कुमारी मण्डल रहेको धनुषा प्रहरीका प्रहरी नायव उपरीक्षक बरुणबहादुर सिंहले बताए ।
ठक्कर दिने बस चालक भने फरार छन् । यता फरार चालकको खोजी कार्य भइरहेको प्रहरी नायब उपरीक्षक सिंहले बताए ।
घटनापछि आक्रोशित स्थानीयवासीले ज्ञानज्योती बोर्डिंग स्कुलको बसमा आगजनीसमेत गरेका छन् । आगजनीबाट बसमा पूर्ण रुपमा क्षति पुगेको छ ।
