ट्रेन्डिङ

रास्वपा प्रवेश गरेको १८ घण्टा नबित्दै सरावगीको सदस्यता खारेजीको गरियो माग, जिल्ला सचिवले लेखे महामन्त्रीलाई पत्र

वीरगन्ज । नेकपा एमाले परित्याग गरेर राष्ट्रिय स्वतन्त्र पार्टी (रास्वपा) प्रवेश गरेका वीरगन्ज महानगरपालिकाका पूर्वमेयर विजयकुमार सरावगीको सदस्यता खारेज गर्न माग गरिएको छ ।

सरावगी रास्वपा प्रवेश गरेको करिब १८ घण्टा नबित्दै पर्सा जिल्ला कार्यसमितिले उनको सदस्यता खारेजीको माग गर्दै पार्टीका केन्द्रीय महामन्त्रीलाई पत्र लेखेको हो ।

रास्वपा पर्साका जिल्ला सचिव सुदिश प्रजापतिले शुक्रबार केन्द्रीय महामन्त्रीलाई सम्बोधन गर्दै पत्र पठाएका छन् ।

पत्रमा सरावगीको नाममा पार्टीको सदस्यता जारी भएको विषयमा जिल्ला कार्यसमितिलाई कुनै जानकारी नभएको उल्लेख गर्दै सदस्यता खारेज गर्न अनुरोध गरिएको छ ।

‘पीआरएस १ ख ०००४३५७७६ नम्बरबाट सरावगीको नाममा रास्वपा सदस्यता जारी भएको छ ।

उक्त सदस्यताबारे जिल्ला कार्यसमितिलाई कुनै जानकारी छैन,’ पत्रमा भनिएको छ, ‘उनको सदस्यताउपर पर्साका अन्य पार्टी पंक्तिको असहमति रहेकाले सदस्यता खारेज गरिदिनुहुन अनुरोध छ ।’

सरावगीले बिहीबार राति करिब १० बजे सामाजिक सञ्जाल फेसबुकमार्फत एमाले परित्याग गरेको घोषणा गरेका थिए ।

तर, पार्टी प्रवेश गरेको एक दिन पनि नबित्दै उनको सदस्यतालाई लिएर रास्वपा पर्साभित्रै असहमति देखिएको छ ।

जिल्ला कार्यसमितिले नै सदस्यता खारेजीको माग गर्दै केन्द्रलाई पत्र पठाएपछि सरावगीको पार्टी सदस्यताबारे विवाद उत्पन्न भएको छ ।

अब सरावगीको सदस्यताबारे केन्द्रीय नेतृत्वले कस्तो निर्णय लिन्छ भन्ने चासो बढेको छ ।

प्रतिक्रिया

सबै

सम्बन्धित समाचार

सबै