काठमाण्डौँ । प्रेम सम्बन्ध बिग्रिएपछि सामाजिक सञ्जालमा युवतीको चरित्रहत्या गरेको आरोपमा एक जना पक्राउ परेका छन् । पक्राउ पर्नेमा काठमाडौं महानगरपालिका-१७ हाँडीगाउँका अभिनाश प्रधान रहेका प्रहरीले जनाएको छ ।
सामाजिक सञ्जाल फेसबुक मार्फत युवतीको फोटोमा नग्न तस्वीर जोडेर चरित्रहत्या गरेको उजुरी परेपछि उनलाई काठमाण्डौँबाट पक्राउ गरिएको सिआइबीले जनाएको छ ।
प्रधानले विभिन्न अपशब्द लेखेर फेसबुक म्यासेन्जरबाट पीडित युवतीलाई म्यासेज पठाउने गरेको पीडितको भनाइ छ ।
पीडित युवतीको उजुरीका आधारमा उनलाई विद्युतीय कारोबार ऐन २०६३ अनुसार बिहीबार नियन्त्रणमा लिएर जिल्ला अदालत काठमाडौंबाट ५ दिनको म्याद थप गरी थप अनुसन्धान भइरहेको प्रहरीले जनाएको छ ।
