पर्साको भवानीपुर चोकबाट लागूऔषध गाजा सहित दुई जना पक्राउ परेका छन ।
वीरगञ्ज महानगरपालिका वडा नं १८ स्थित प्लाष्टि कारखाना अगाडीबाट १ सय ६० के.जि गाँजा सहित दुई जना पक्राउ परेको जिल्ला प्रहरी कार्यालय पर्साले जनाएको छ ।
पक्राउ पर्नेमा हेटौडा उपमहानगरपालिका वडा नं. ७ बस्ने ४४ वर्षीय कृष्ण घलान र चितवन झुरझुरे ३ बस्ने २० वर्षीय रोनाल बिश्रवकर्मा रहेका छन् ।
बिषेश सुचनको आधारमा खटिएको प्रहरी टोलिले परवानीपुरबाट ड्राइपोर्ट तर्फ आउदै गरेको ना ३ ख ४२१२ नम्बरको ट्रकमा लुकाई छिपाई १० के.जीको दरले १६ पोकोमा १ सय ६० के.जी गाजाँ बरामब भएको जिल्ला प्रहरी कार्यालय पर्साका प्रहरी नायव उपरीक्षक किशोर लम्सालले बताए ।
पक्राउ परेका दुबै जनामाथी थप अनुसन्धान भइरहेको प्रहरीले जनाएको छ ।
