कलैया । नेपाल प्रिमियर लिग (एनपीएल) बिजेता जनकपुर बोल्टस्का खेलाडीलाई बाराको कलैयामा भव्य स्वागत गरिएको छ । कप्तान अनिल साह नेतृत्वको टिमलाई स्वागतसहित अभिनन्दन गरी नगर परिक्रमा गराइएको हो ।
ट्रफीसहित आइपुगेका उनीहरुलाई विजयी जुलुससहित स्वागत गरिएको हो । जुलुुस करणराज प्यालेसबाट सुरु भएर अदालत, मालपोत हुँदै कलैया बजारभरि परिक्रमा गरेको थियो ।
गत शनिबार त्रिवि क्रिकेट मैदानमा सुदूरपश्चिम रोयल्सलाई पाँच विकेटले हराउँदै जनकपुर बोल्ट्सले उपाधी जितेको थियो ।
खेलाडीहरूको उत्साह बढाउन नेपाल क्रिकेट संघ मधेस प्रदेशका कोषाध्यक्ष सुबास जयसवाल, बारा क्रिकेट संघका अध्यक्ष प्रभात चौरसिया, कलैया क्रिकेट क्लबका अध्यक्ष तसरुद्दिन मन्सूर, अनिल चौगाई, नेपाल लेखापढी कानुन ब्यवसायी एशोसिएशन कलैयाका अध्यक्ष बृजकिशोर यादव, विभिन्न स्थानिय तहका प्रमुख, सरकारी गैरसरकारी संघसंगठनका प्रमुख लगायत हजारौँ खेलकुदप्रेमीको उपस्थिति थियो ।
