वीरगन्ज । जनकपुर बोल्टस् टोलीले बाराको गढीमाई मन्दिरको दर्शन गरेको छ । टोलीका कप्तान अनिल साह नेतृत्वको टोलीले मन्दिरको दर्शन गरी पूजाअर्चना गरेको हो ।
त्यसक्रममा महागढीमाई नगरपालिकाका नगरप्रमुख उपेन्द्र साहले उनीहरुलाई स्वागत गरेका छन् ।
नेपाल प्रिमियर लिग (एनपीएल) को पहिलो संस्करण जितेको खुुसीमा जनकपुर बोल्ट्सले मधेस प्रदेशभर बिजयोत्सव मनाउदैँछ । सोही क्रममा आज बाराको महागढीमाई नगरपालिस्थित गढीमाई मन्दिरमा पूजा गर्दै मेलाको अवलोकन गरिएको हो ।
टोलीले आजै ट्रफी परेड गर्दै कलैया उपमहानगरपालिकाको नगर परिक्रमा गर्नेछ । त्यसपछि उनीहरु पर्साको वीरगञ्ज आउने कार्यक्रम रहेको बताइन्छ । यहाँ भने भोली बिजयोत्सव सेलेब्रेट गरिने क्रिकेट एशोसियसन धनुषाले जनायो ।
