वीरगन्ज । नेपाल प्रिमियर लिग (एनपीएल) बिजेता जनकपुर बोल्टस्लाई रौतहटमा स्वागत गरिएको छ । रौतहटको गौर नगरपालिकामा उनीहरुलाई भव्य स्वागत गरिएको हो ।
नगरप्रमुख शम्भु साहसहित विभिन्न संघ संस्थाले टोलीलाई फुलमाला लगाएर स्वागत गरेका हुन् । सो अवसरमा नगरप्रमुख साहले खेलाडीहरुलाई सम्मान पत्र समेत प्रदान गरे ।
एनपीएलको पहिलो संस्करण जितेको खुसीमा जनकपुर बोल्टस्ले मधेस प्रदेशभर बिजयोत्सव मनाउँदैछ । टोलीले आइतबार प्रदेश राजधानी जनकपुरबाट बिजयोत्सव सुरु गरेको हो ।
जनकपुर बोल्टस्ले आज रौतहट र बारामा बिजयोत्सव सेलेब्रेट गर्नेछ । यस्तै टोली भोली पर्साको वीरगन्ज आउने क्रिकेट एशोसियसन धनुषाले जानकारी दिएको छ ।
वीरगन्जको कार्यक्रम सकिएलगत्तै उनीहरु प्रदेशको सिरहा र सप्तरी पुग्नेछ । टोलीले हिजो र अस्ती गरेर जनकपुरसहित महोत्तरी, सर्लाहीमा ‘ट्रफी परेड’ सम्पन्न गरिसकेको छ ।
