वीरगन्ज । पर्साको सखुवा प्रसौनी गाउँपालिकाका पूर्व अध्यक्ष प्रदीप जैसवालले नेकपा एमाले पार्टी प्रवेश गरेका छन् ।
सखुवा प्रसौनीको औराहा पँचगावामा आयोजित कार्यक्रममा उनले जनता समाजवादी पार्टी (जसपा) परित्याग गर्दै एमालेमा पार्टी प्रवेश गरेका हुन् । नेकपा एमालेका अध्यक्ष एवम् प्रधानमन्त्री केपी शर्मा ओलीले जैसवाललाई टीका तथा माला लगाएर पार्टी प्रवेश गराएका हुन् ।
योसँगै नेपाली कांग्रेसबाट राजनीतिक यात्रा सुरु गरेका जैसवालले तेस्रो पटक पार्टी परिवर्तन गरेका छन् ।
यसैगरी कार्यक्रममा ५ हजार जना कार्यकर्ता एमालेमा प्रवेश गरेका छन् । पार्टी प्रवेश गर्नेहरुमा कांग्रेस, माओवादी तथा नागरिक उन्मुक्तिका समेत थिए ।
उनीहरु सबैलाई अध्यक्ष ओलीले स्वागत गरेका छन् ।
