वीरगन्ज । बारामा आज विहान काठमाडौं नम्बर प्लेट भएको कारभित्र एक पुरुषको शव फेला परेको छ ।
बाराको जितपुर सिमरा उपमहानगरपालिका वडा नम्बर–११ स्थित सडकखण्डको छेउमा शव फेला परेको बारा प्रहरी प्रमुख महेन्द्र खड्काले बताए ।
उनका अनुसार अमाडार सडकखण्डको बाटोको साइडमा रोकी राखिएको कारभित्र पुरुषको शव फेला परेको हो ।
टाउँको पछाडि चोट लागेको जस्तो देखिएकोले हत्या गरिएको हुन सक्ने प्रहरीको अनुमान छ ।
बारा एसपी खड्काले भने, ‘एकाविहानै शव फेला प¥यो, हामी घटनाको सूक्ष्म अनुसन्धान गर्न लागेका छौं । तर हत्या हो वा होइन त्यसबारे यकिनका साथ भन्न सकिने अहिले अवस्था छैन, त्यो पोष्टमार्टमबाट खुल्ने कुरा हो ।’
यद्यपी, घटनाको अनुसन्धानका लागि प्रदेश प्रहरी कार्यालयबाट ‘स्पेसल डग’ मगाउन लागिएको उनले बताए ।
उनले भने, ‘डगको मद्दतले हामी अनुसन्धानमा गर्छौ, उसबाट धेरै कुरा खुल्छ । त्यही भएर अहिले खुलेर हत्या वा के हो त्यो बारेमा बोल्न मिल्दैन ।’
बागमती नम्बरको ०१–०२८–च–७६१६ नम्बरको कारबाट उक्त शव फेला परेको बारा प्रहरी प्रमुख खड्काले बताए ।
बरामद शव पोष्टमार्टमका लागि नजिकको अस्पतालमा लैजाने तयारी भइरहेको प्रहरीले जनायो ।
