सप्तरी । अर्नाले आक्रमण गर्दा सप्तरीमा एक जनाको मृत्यु भएको छ । बुधबार कोशी टप्पु वन्यजन्तु आरक्षबाट निस्किएको अर्नाले आक्रमण गर्दा एक जनाको मृत्यु भएको हो ।
मृत्यु हुनेमा हनुमाननगर कंकालिनी नगरपालिका वडा नम्बर ९ बस्ने ७६ बर्षिय शुभेलाल मण्डल रहेका छन् ।
अर्नाको आक्रमणमा परी गम्भीर घाइते भएको मण्डललाई उपचारको लागि अस्पताल लैजाने क्रममा बाटोमै मृत्युु भएको परिवारका एक सदस्यले बताए ।
मण्डल खेतमा काम गरिरहेका बेला अचानक अर्नाको आक्रमणमा परेका थिए ।
मृतकको शवलाई पोष्टमार्टमको लागि गजेन्द्रनारायण सिंह अस्पताल राजबिराज लगिएको छ ।
