सप्तरी । वडाध्यक्ष पदका लागि सप्तरीको डाक्नेश्वरी नगरपालिकामा बिहानैदेखि मतदान सुरु भएको छ । नगरपालिकाको वडानम्बर १ र ४ मा वडाअध्यक्ष पदको लागि मतदान सुरु भएको हो ।
दुवै वडाको ३ वटा मतदान स्थल र मा ५ वटा केन्द्रमा बिहान ७ बजेदेखि मतदान सुरु भएको जिल्ला निर्वाचन कार्यालय सप्तरीले जनाएको छ ।
वडानम्बर १ मा दुई हजार ६३५ र वडानम्बर ४ मा एक हजार २८१ मतदाता छन् ।
सबै मतदान स्थलमा शान्तिपूर्ण रुपमा मतदान भइरहेको जनाइएको छ ।
वडा नम्बर १ र ४ मा अध्यक्ष पदका लागि भइरहेको उप(निर्वाचनमा १६ जना उम्मेदवार रहेका छन् ।
