बीरगन्ज । बाराबाट प्रहरीले पाँच जना फरार प्रतिवादीलाई पक्राउ गरेको छ । अदालतबाट विभिन्न मुद्दामा कैद तथा जरिवाना सजाय पाइ फरार भएका पाँच जनालाई प्रहरीले पक्राउ गरेको हो ।
विशेष सूचनाको आधारमा जिल्ला प्रहरी कार्यालय बारा तथा मातहतका प्रहरी इकाइ कार्यालयहरुबाट खटिएका प्रहरी टोलीले उनीहरुलाइ पक्राउ गरेको जनाइएको छ ।
उनीहरुलाई खोजतलास गर्ने क्रममा लुकिछिपी बस्दै गरेको अवस्थाबाट प्रहरी नायब उपरीक्षक प्रकाश सापकोटोले बताए ।
उनका अनुसार पक्राउ पर्नेहरुमा बाराको पचँरौता नगरपािलका वडा नम्बर ७ निवासी दिनानाथ सहनी, सिम्रौनगढ नगरपािलका वडा नं.७ बस्ने नन्दकिशोर प्रसाद यादव, सोही ठाउँको वडा नम्बर ४ का रुपेश कुमार पण्डित, वडा नम्बर १० की नैनवा देवी तथा महागढीमाई नगरपालिका वडा नम्बर १ सिमरा तेलगछिया बस्ने सुरेश पंडित कुम्हार रहेका छन् ।
पक्राउ पर्नेहरुमा ४ जना चेक अनादर तथा एक जना कुटपिट अंगभंग मुद्दाका फरार प्रतिवादी छन् ।
पक्राउ परेकाहरुलाई आवश्यक कारबाहीका लागि बारा जिल्ला अदालतमा उपस्थित गराइएको प्रहरीले जनायो ।
