बीरगन्ज । कर्पोरेट सुपर सिक्स क्रिकेट प्रतियोगितामा अग्नि ग्रुप बिजयी भएको छ ।
बीरगन्जको आदर्शनगर रंगशालामा भएको खेलमा सुप्रिमलाई ११ रनले पछि पार्दै अग्नि ग्रुप बिजयी भएको हो ।
पहिले ब्याटिङ गरेको अग्निले पूरै ओभर खेलेर ६४ रन बनाएको थियो । जवाफी ब्याटिङ गरेको सुप्रिमले उसको लक्ष्य भेट्टाउन सकेन ।
आजको खेलमा अग्नि ग्रुपका बिक्रम म्यान अफ दी म्याच घोषित भएका छन् ।
लायन्स क्लब अफ बीरगन्ज परिवार एवम् स्पोटर्स एकेडेमीले संयुक्त रुपमा आयोजना गरेका हुन् ।
प्रतियोगितामा बीरगन्जको राष्ट्रिय वाणिज्य बैंक, वीमा कम्पनी, विकास बैंक तथा औद्योगिक प्रतिष्ठान गरी १६ वटा टोलीको सहभागीता छ ।
