वीरगन्ज । बाराको फेटा गाउँपालिका वडा नम्बर १ मा खुल्ला रक्तदान कार्यक्रम सम्पन्न भएको छ । खैरातीमाई मेलाको अवसरमा त्रिवेणी बारामा खुल्ला रक्तदान कार्यक्रम सम्पन्न भएको हो ।
साहस नेपाल एवम् गढीमाई साझेदारी वन ब्यवस्थापन समिति पथलैयाको सहयोगमा कार्यक्रमको आयोजना गरिएको थियो । सो अवसरमा एक महिला सहित २५ जनाले रक्तदान गरेका थिए ।
डिभिजन वन अधिकृत राजिव कुमार झाको आतिथ्यता एवम् गढीमाई साझेदारी वन ब्यवस्थापन समिति पथलैया बाराका राम एकबाल साह तेलीको अध्यक्षतामा कार्यक्रम सम्पन्न भएको हो ।
रक्तदान कार्यक्रममा रेडक्रस सोसाइटी वीरगन्जका सौरभराज पाण्डे, रेडक्रस सोसाइटी रेशमकोठीका युवा संयोजक अभिलाष कुमार गुप्ता, सामाजिक अभियान्ता राजेन्द्र भट्टराई, मनिष गुप्ता, नितेश यादव लगायतकाले प्राविधिक सहयोग उपलब्ध गराएका थिए ।
