रौतहट । रौतहटको ईशनाथ नगरपालिकाका एक जना वडाध्यक्षको मृत्यु भएको छ ।
नगरपालिकाको वडा नम्बर १ का वडाध्यक्षको मृत्यु भएको हो । मृत्यु हुनेमा वडाध्यक्ष बिगु साह रहेका छन् ।
उनी मिर्गौला सम्बन्धि रोगका कारण पीडित थिए । मिर्गौला पीडित वडाध्यक्ष साहको उपचारका क्रममा निधन भएको हो ।
वडाध्यक्ष साह २०७४ सालको स्थानीय निर्वाचनमा नेपाली कांग्रेसबाट र २०७९ को निर्वाचनमा लोकतान्त्रिक समाजवादी पार्टीबाट निर्वाचित भएका थिए।
त्यसैबीच, रौतहट क्षेत्र नं २ बाट प्रतिनिधिसभामा निर्वाचित सांसद किरणकुमार साहले वडाध्यक्ष साहको निधनप्रति दुःख व्यक्त गर्दै शोकाकुल परिवारजनामा समवेदना प्रकट गरेका छन् ।
