महोत्तरी । कागेश्वरी मनोहरामा गाडीको ठक्करबाट महोत्तरीका एक जना नाबालकको मृत्यु भएको छ । मृत्यु हुनेमा महोत्तरी गौशाला नगरपालिका वडा नम्बर १० निवासी ९ वर्षका शिव थापा मगर रहेका छन ।
नगरपालिकाको वडा नम्बर ६ मुलपानी तिवारी टोलस्थित सडकमा गाडीको ठक्करबाट उनको मृत्यु भएको हो ।
बा ११ च ७६०९ नम्बरको हात्ती गाडीले मंगलबार दिउँसो ठक्कर दिएको थियो । गाडीको ठक्करबाट गम्भीर घाइते भएका उनको शंखरापुर अस्पताल नारायणटार हुँदै ग्राण्डी अस्पताल टोखामा बुधबार दिउँसो उपचारको क्रममा मृत्यु भएको हो ।
प्रहरीले गाडी चालकलाई नियन्त्रणमा लिई घटनाबारे आवश्यक अनुसन्धान भइरहेको प्रहरीले जानकारी दिएको छ ।
