काठमाडौँ । मौसम पूर्वानुमान महाशाखाका अनुसार नेपालमा हाल पश्चिम वायुको आंशिक प्रभाव कायमै रहेको छ।
यसको असरका कारण गण्डकी र कर्णाली प्रदेशका पहाडी क्षेत्रहरूमा आंशिक बदली देखिएको छ भने अन्य अधिकांश भूभागमा मौसम सामान्यतया सफा रहेको छ।
महाशाखाले जनाएअनुसार आज दिउँसो कोशी प्रदेशको हिमाली क्षेत्रमा आंशिक बदली रहने सम्भावना छ भने बाँकी भूभागमा मौसम खुल्ला रहने छ।
त्यस्तै, आज राति देशभर मौसम मुख्यतया सफा रहने पूर्वानुमान गरिएको छ।
