जनकपुर । मधेश प्रदेशका मुख्यमन्त्री सरोजकुमार यादवको नियुक्तिविरुद्ध दर्ता गरिएको रिटमाथि सुनुवाइ आज तोकिएको छ ।
आइतबार (हिजो) का लागि तोकिएको सुनुवाइ अर्को मिसिल समेत साथसाथै पेश गर्नुपर्ने भएकोले स्थगित गरिएको थियो ।
उक्त रिटमाथि सर्वोच्च अदालतका न्यायाधीशद्वय तिलप्रसाद श्रेष्ठ र नृपध्वज निरौलाको संयुक्त इजलासमा सुनुवाइ हुने निर्धारण गरिएको थियो।
तर आइतबार हुने सुनुवाइ कागजात नपुगेको भन्दै मंसिर १ गते (सोमबार) का लागि सारिएको हो ।
मधेश प्रदेश कांग्रेस संसदीय दलका नेता कृष्णप्रसाद यादवसहित ७४ जना सांसदहरूले मुख्यमन्त्री यादवको नियुक्ति ‘असंवैधानिक’ भएको दाबी गर्दै गत मंगलबार सर्वोच्च अदालतमा रिट दर्ता गरेका थिए।
