काठमाडौं । नेपाली सुन बजारमा आइतबार सुन र चाँदी दुवैको मूल्य घटेको छ।
नेपाल सुनचाँदी व्यवसायी महासंघका अनुसार शुक्रबार तोलामा २ लाख ४९ हजार ७०० रुपैयाँ रहेको प्रतितोला छापावाल सुनको मूल्य आइतबार घटेर २ लाख ४२ हजार ८०० रुपैयाँ पुगेको छ।
यस्तै, चाँदीको मूल्य पनि घटेको महासंघले जनाएको छ।
शुक्रबार तोलामा ३ हजार २८५ रुपैयाँ कायम भएको चाँदी आइतबार घटेर ३ हजार १३५ रुपैयाँमा व्यापार भइरहेको छ।
बजारमा सुन–चाँदीको मूल्य घट्नुको कारण विश्लेषकहरूले अन्तर्राष्ट्रिय बजारमा मूल्य उतार–चढाव र स्थानीय माग–आपूर्तिलाई जोडेर देखाएका छन्।
