काठमाडौं । नेपाली बजारमा सोमबार सुन र चाँदीको मूल्यमा उल्लेखनीय वृद्धि भएको छ।
सुनको मूल्य तोलामा २ हजार ९०० रुपैयाँले बढेर २ लाख ४१ हजार ५०० रुपैयाँ कायम भएको छ।
अघिल्लो दिन यो मूल्य २ लाख ३८ हजार ६०० रुपैयाँ थियो।
चाँदीको मूल्य पनि उकालो लागेको छ। आइतबार तोलामा ३ हजार १५ रुपैयाँ रहेको चाँदी सोमबार ३ हजार ६५ रुपैयाँमा पुगेको छ।
विशेषज्ञका अनुसार अन्तर्राष्ट्रिय बजारमा सुन र चाँदीको मूल्य वृद्धिले नेपाली बजारमा पनि मूल्य बढावा दिएको हो।
