काठमाडौँ । नेपाली बजारमा मंगलबार सुनको मूल्य घटेको छ भने चाँदीको मूल्यमा भने थोरै वृद्धि भएको छ।
नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य तोलामा ६०० रुपैयाँले घटेर १ लाख ९३ हजार रुपैयाँमा कारोबार भएको हो।
अघिल्लो दिन सोमबार यो मूल्य १ लाख ९३ हजार ६०० रुपैयाँ थियो।
त्यसैगरी, चाँदीको मूल्य भने बढेको छ। सोमबार तोलामा २ हजार २९५ रुपैयाँमा कारोबार भएको चाँदी मंगलबार ५ रुपैयाँले बढेर २ हजार ३०० रुपैयाँमा पुगेको महासंघले जनाएको छ।
