वीरगन्ज । राउण्ड टेबल नेपाल, सामुदायिक सेवा केन्द्र तथा सामुदायिक प्रहरी सेवा केन्द्र कुम्हालटोलको संयुक्त आयोजनामा वीरगन्जमा निशुल्क कपडा वितरण गरिएको छ ।
रेल्वे रोडस्थित सामुदायिक प्रहरी सेवा कुम्हालटोलको आफ्नै भवनमा आज निशुल्क कपडा वितरण गरिएको हो । सामुदायिक प्रहरी सेवा कुम्हालटोलका अध्यक्ष रमेश चौधरीको अध्यक्षतामा कार्यक्रम सम्पन्न भएको जनाइएको छ ।
सो अवसरमा बोल्दै उनले गरिब, असहायहरुलाई केहि राहत पुगोस् भन्ने उद्देश्यले कपडा वितरण गरिएको बताए ।
कार्यक्रममा सामुदायिक प्रहरी सेवा कुम्हालटोलका आजिवन सदस्य एवम् सल्लाहकार अभिलाष गुप्ता लगायत संस्थाका पदाधिकारीहरु, वरिष्ठ प्रहरी हवल्दार कुमार बिक, प्रहरी जवान अमित यादव, प्रहरी जवान दिलिप कोईरीको सहभागीता रहेको थियो ।
