वीरगन्ज। नेपाली बजारमा सुनको मूल्य बिहीबार एकैदिन प्रतितोला ७ हजार ६ सय रुपैयाँले बढेको छ ।
नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य प्रतितोला ३ लाख ४ हजार ९ सय रुपैयाँ कायम भएको छ ।
बुधबार छापावाल सुन प्रतितोला २ लाख ९७ हजार ३ सय रुपैयाँमा कारोबार भएको थियो ।
बुधबारको तुलनामा बिहीबार सुनको मूल्य ७ हजार ६ सय रुपैयाँले बढेको हो ।
महासङ्घका अनुसार १० ग्राम छापावाल सुनको मूल्य २ लाख ६१ हजार ४ सय रुपैयाँ कायम भएको छ ।
यसैगरी, चाँदीको मूल्य पनि बढेको छ । बुधबार प्रतितोला ४ हजार ५ सय ८० रुपैयाँ रहेको चाँदी बिहीबार ४ हजार ७ सय २५ रुपैयाँ पुगेको छ ।
चाँदीको मूल्य एकैदिन प्रतितोला १ सय ४५ रुपैयाँले बढेको हो ।
महासङ्घका अनुसार बिहीबार १० ग्राम चाँदीको मूल्य ४ हजार ५१ रुपैयाँ कायम भएको छ ।
