वीरगन्ज । कांग्रेस उम्मेदवार अनिल रुंग्टाले आफ्नो निर्वाचन क्षेत्रअन्तर्गत भेडियाहीमा घरदैलो कार्यक्रम सम्पन्न गरेका छन्।
नेपाली कांग्रेस पर्सा क्षेत्र नम्बर–१ का उम्मेदवार रुंग्टाले स्थानीय मतदातासँग भेटघाट तथा संवाद गर्दै विकास, रोजगारी, शिक्षा र स्वास्थ्यलाई प्राथमिकतामा राख्ने प्रतिबद्धता व्यक्त गरे।
घरदैलोका क्रममा उनले समुन्नत भेडियाही र समुन्नत पर्सा निर्माणका लागि दीर्घकालीन योजना र पारदर्शी कार्यशैली आवश्यक रहेको उल्लेख गरे।
स्थानीय पूर्वाधार विस्तार, युवालाई रोजगारी सिर्जना, गुणस्तरीय शिक्षा र सहज स्वास्थ्य सेवा आफ्नो मुख्य एजेन्डा रहेको उनको भनाइ थियो।
उम्मेदवार रुंग्टाले यसपटक रुख छापमा मतदान गरी विकास, स्थायित्व र सुशासनको पक्षमा निर्णय गर्न मतदातासँग आग्रह गरेका छन्।
घरदैलो कार्यक्रममा स्थानीय बासिन्दाको उत्साहजनक सहभागिता रहेको जनाइएको छ।
