वीरगन्ज । नेपाली कांग्रेसका तर्फबाट पर्सा क्षेत्र नम्बर–१ का उम्मेदवार अनिल रुंग्टा आज वीरगन्ज महानगरपालिका–८ गहवामा घरदैलो कार्यक्रममा गरेका छन ।
घरदैलोका क्रममा उम्मेदवार रुंग्टाले स्थानीय मतदातासँग प्रत्यक्ष भेटघाट तथा संवाद गर्दै आफ्ना चुनावी प्रतिबद्धता प्रस्तुत गरेका छन्।
उनले शिक्षा, स्वास्थ्य, पूर्वाधार विकास र रोजगारी सिर्जनालाई आफ्नो प्रमुख प्राथमिकतामा राख्ने स्पष्ट पारे।
रुङ्टाले समावेशी विकासको मार्गमा अघि बढ्दै सबै समुदायलाई समेट्ने नीति अवलम्बन गर्ने प्रतिबद्धता व्यक्त गरे।
“युवालाई उद्यमशीलता, सीपमूलक तालिम र स्वरोजगारतर्फ प्रेरित गर्दै आत्मनिर्भर भविष्य निर्माण गर्नु हाम्रो लक्ष्य हो,” उनले भने।
स्थानीय समस्या, विकासका अधुरा योजना र आधारभूत सेवाको सुधारबारे मतदाताबाट सुझावसमेत संकलन गरिएको थियो।
आगामी निर्वाचनमा नेपाली कांग्रेसको चुनाव चिन्ह ‘रुख’ मा मतदान गरी सहयोग गर्न रुङ्टाले मतदातासमक्ष हार्दिक अपिल गरेका छन्।
