काठमाडौं । नेपाली बजारमा सोमबार पनि सुनको भाउमा फेरि गिरावट आएको छ । आज बजारमा तोलामा १३ हजार ४०० रुपैयाँले घटेको छ ।
नेपाल सुनचाँदी व्यवसायी महासंघका अनुसार आइतबार तोलामा ३ लाख कायम भएको छापावाल सुनको मूल्य सोमबार घटेर २ लाख ८६ हजार ६०० रुपैयाँ कायम भएको हो ।
यसैगरी बिहीबार सुनको मूल्य तोलामा ३ लाख ३९ हजार ३०० रुपैयाँसम्म पुगेको थियो, जुन मूल्य हालसम्मकै उच्च भएकामा फेरि घटिरहेको हो।
त्यसैगरी चाँदीको मूल्यमा गिरावट आएको छ । आइतबार तोलामा ५ हजार ५०० रुपैयाँ कायम भएको चाँदीको मूल्य सोमबार घटेर ५ हजार २०० रुपैयाँ कायम भएको महासंघले जनाएको छ ।
