काठमाडौं । केही दिनको गिरावटपछि मंगलबार सुनको मूल्य फेरि एक्कासी उकालो लागेको छ।
नेपाल सुनचाँदी व्यवसायी महासंघका अनुसार आज छापावाल सुन तोलामा ५ हजार २ सय रुपैयाँले महँगिएको हो।
अघिल्लो दिन २ लाख ४२ हजार ७ सय रुपैयाँमा कारोबार भएको छापावाल सुन मंगलबार बढेर २ लाख ४७ हजार ९ सय रुपैयाँमा पुगेको छ।
महासंघका अनुसार असोज ३१ गते नै सुन हालसम्मकै उच्च स्तर २ लाख ५८ हजार रुपैयाँमा पुगेको रेकर्ड छ।
त्यसपछि घट्दै आएको सुनको मूल्य फेरि बढ्न थालेसँगै बजार पुनः चहलपहल बढेको छ।
यसैगरी चाँदीको भाउ पनि उकालो लागेको छ।
सोमबार ३ हजार ११५ रुपैयाँमा स्थिर रहेको चाँदी मंगलबार तोलामा ८५ रुपैयाँ वृद्धि भएर ३ हजार २ सय रुपैयाँमा पुगेको महासंघले जनाएको छ।
असोज ३१ गते चाँदी हालसम्मकै उच्च ३ हजार ३५० रुपैयाँ पुगेको रेकर्ड छ।
सुनचाँदी दुवैको मूल्य पुनः बढ्न थालेपछि बजारमा उपभोक्ता तथा व्यवसायी सतर्क बनेका छन्।
