काठमाडौँ । देशभर अहिले कुनै विशेष मौसमी प्रणालीको प्रभाव छैन ।
मौसम पूर्वानुमान महाशाखाका अनुसार अहिले कोशी, गण्डकी र कर्णाली प्रदेशका पहाडी–हिमाली क्षेत्रहरूमा आंशिक बदली छ भने अन्य प्रदेशका अधिकांश स्थानमा आकाश सफा रहेको छ ।
दिउँसोका समयमा कोशी, बागमती र गण्डकी प्रदेशका पहाडी भूभागमा हल्का बदली हुने र बाँकी भागमा मौसम खुला रहने अनुमान गरिएको छ ।
त्यस्तै, आज राति पनि कोशी प्रदेशका पहाडी क्षेत्रहरूमा आंशिक बदली रहने र देशका अन्य स्थानमा आकाश सामान्यतया सफा रहने महाशाखाले जनाएको छ ।
