जनकपुर । मधेस प्रदेशका मुख्यमन्त्री सरोजकुमार यादवले हिजो प्रहरीको लाठी चार्जबाट घाइते भएकाहरुको उपचार खर्च प्रदेस सरकारले बेहोर्ने बताएका छन ।
बुधवार बिहान उपचाररत रहेका घाइतेहरुसंग भेटघाट गर्दै मुख्यमन्त्री यादवले यस्तो बताएका हुन ।
मंगलवार प्रदर्शनको क्रममा घाइते भएकाहरूको स्वास्थ्य अवस्था बुझ्नका लागि प्रादेशिक अस्पताल जनकपुरधाममा पुगेका मुख्यमन्त्री यादवले सो घोषणा गरेका हुन् ।
उनका अनुसार घाइतेहरूको स्वास्थ्य अवस्था सामान्य रहेको छ । तथापि, मुख्यमन्त्री यादवले घाइते सबैको उपचार खर्च प्रदेश सरकारले बेहोर्ने बताए ।
मंगलबार मुख्यमन्त्री पदभार ग्रहण गरिरहँदा मधेस भवन बाहिर ७ राजनीतिक दलका नेता कार्यकर्ता प्रदर्शनमा उत्रिएका थिए ।
सोही बेला प्रहरीले लाठीचार्ज गर्दा १६ जनाभन्दा बढी प्रदर्शनकारी घाइते भएका थिए ।
