गौर नरसंहारको फाइल पुनः खुल्यो, उपेन्द्र यादवसहित १३० जनामाथि मुद्दा चल्ने (सूची सहित)

मधेश संचार

२०८२ भाद्र २, सोमबार

वीरगन्ज । १७ वर्षअघिको बहुचर्चित गौर नरसंहार को छानबिन अगाडि बढाउन सर्वोच्च अदालतले परमादेश जारी गरेको छ। न्यायाधीशद्वय तिलप्रसाद श्रेष्ठ र नित्यानन्द पाण्डेयको संयुक्त इजलासले त्रिभुवन शाहसहित पीडित पक्षको निवेदनमाथि सुनुवाइ गर्दै यो आदेश दिएको हो।

सर्वोच्चको यो आदेशले गृह मन्त्रालय र पीडित परिवारबीच केही समयअघि भएको पाँच बुँदे सहमतिलाई थप बल मिलेको छ। उक्त सहमतिमा घटनाको अनुसन्धान गरी दोषीमाथि कारबाही अगाडि बढाउने उल्लेख थियो।

सर्वोच्चको आदेश र गृह मन्त्रालयको सहमतिपछि मधेशको राजनीतिमा ठूलो हलचल पैदा भएको छ। मधेश प्रदेश सरकारको नेतृत्व गरिरहेको जनता समाजवादी पार्टी (जसपा)ले उक्त सहमतिप्रति कडा विरोध जनाएको छ। पार्टीभित्रबाट अध्यक्ष उपेन्द्र यादवमाथि सरकार नै छोडेर संघर्षमा उत्रिन दबाब बढेको छ।

गौर नरसंहार हुँदा तत्कालीन मधेशी जनअधिकार फोरमको नेतृत्व यादवले नै गरेका थिए। सो घटनामा २७ जना माओवादी कार्यकर्ताको विभत्स हत्या भएको थियो। उक्त घटनापछि उपेन्द्र यादवसहित १३० जनामाथि किटानी जाहेरी परेको थियो। सर्वोच्चको यो आदेशसँगै अब लामो समयदेखि रोकिएको अनुसन्धान र कारबाही प्रक्रिया अगाडि बढ्ने निश्चित भएको छ।

जाहेरी दरखास्तमा नाम उल्लेख भएका व्यक्तिहरू