काठमाडौं । नेपाली बजारमा साताको अन्तिम कारोबार दिन शुक्रबार सुनको मूल्यमा गिरावट आएको छ।
नेपाल सुनचाँदी व्यवसायी महासंघका अनुसार शुक्रबार छापावाल सुन तोलामा ५०० रुपैयाँ घटेर १ लाख ९४ हजार ७०० रुपैयाँमा कारोबार भइरहेको छ।
यसअघि बिहीबार छापावाल सुनको मूल्य तोलामा १ लाख ९५ हजार २०० रुपैयाँ कायम थियो।
मूल्यमा आएको गिरावटले सुनको कारोबारमा सामान्य चहलपहल देखिएको व्यवसायीहरू बताउँछन्।
यता, चाँदीको मूल्य भने सामान्यरूपमा बढेको छ। बिहीबार तोलामा २ हजार ३३५ रुपैयाँ रहेको चाँदीको मूल्य शुक्रबार ५ रुपैयाँले बढेर २ हजार ३४० रुपैयाँ पुगेको महासंघले जनाएको छ।
वैकल्पिक लगानीको रूपमा सुनचाँदीमा चासो बढिरहेका बेला बजार मूल्यमा आउने यस्ता दैनिक उतारचढावले उपभोक्तालाई सतर्क रहनुपर्ने व्यवसायीहरूको भनाइ छ।
