वीरगन्ज । अनलाइन पत्रकार संघ, नेपालको अध्यक्षमा शिवप्रसाद सत्याल निर्विरोध निर्वाचित भएका छन्।
नेपाल पत्रकार महासंघको एसोसिएट संस्थाको १४ औं वार्षिक साधारणसभाबाट सत्यालको अध्यक्षतामा सात सदस्यीय कार्यसमिति निर्विरोध निर्वाचित भएको हो। वडापालिकामा आबद्ध सत्यालको नेतृत्वमा गठित नयाँ कार्यसमितिमा विभिन्न पदका लागि सदस्यहरू चयन भएका छन्।
संघको उपाध्यक्षमा उकेरा डटकमकी प्रजु पन्त, सचिवमा विकासन्यूजका सन्तोष रोकाया, र कोषाध्यक्षमा इक्विटी नेपालका निर्दोष घोरसाइने निर्विरोध चयन भएका छन्। त्यसैगरी, सदस्यहरूमा बाह्रखरीका कृष्ण लोत्थ्याल, कान्तिपुरकी पुष्पा केसी, र हिमवतखण्ड डटकमका श्रीकृष्ण धिमाल निर्वाचित भएका छन्।
संघको १४ औं साधारणसभामा संस्थापक अध्यक्ष केपी ढुङ्गाना नेतृत्वको निर्वाचन समितिले निर्विरोध निर्वाचित भएको नयाँ कार्यसमितिको घोषणा गरेको थियो। कार्यक्रमका प्रमुख अतिथि नेपाल पत्रकार महासंघका महासचिव रामप्रसाद दाहाल थिए।
