रौतहट । कागजात नभएका १६ वटा मोटरसाइकललाई रौतहट प्रहरीले गौर भन्सार कार्यालयमा बुझाएको छ ।
माघ १ गतेदेखि जिल्ला प्रहरी कार्यालय रौतहट र मातहतका निकायबाट खटिएको प्रहरी टोलीले विभिन्न स्थानहरूमा गरेको सवारी साधनहरूको चेकिङका क्रममा ती मोटरसाइकलहरू बरामद गरेको थियो ।
प्रहरी नायब उपरीक्षक दीपककुमार रायका अनुसार ती मोटरसाइकलहरूको अनुमानित मूल्य १२ लाख रुपैयाँ रहेको छ ।
आवश्यक कारबाहीका लागि मोटरसाइकलाई भन्सारको जिम्मा लगाईएको प्रहरीले जानकारी दिएको छ ।
