वीरगन्ज । नेपाल जनता पार्टीले पुष २७ गते वीरगन्जमा शोभा यात्रा निकाल्ने भएको छ । भारतको अयोध्यामा श्रीरामलालाको प्राण प्रतिष्ठाको पहिलो वार्षिकोत्सवका अवसरमा पार्टीले यहाँ शोभा यात्रा निकाल्ने भएको हो ।
नेपाल जनता पार्टी पर्सा जिल्ला समितिको आज बसेको बैठकले यहि शनिबार भव्य शोभा यात्रा आयोजना गर्ने निर्णय गरेको हो ।
पार्टीका वरिष्ठ नेता सन्तोषानन्द महाराजका अनुसार दिउँसो १ बजे श्रीराम जानकी, हनुमानको झाँकीसहितको यात्रा निकालिनेछ ।
लालबंगला परिसरबाट निकालिने शोभा यात्राले घण्टाघर, माईस्थान, आदर्शनगर, अलखियामठ चोक, घडिअर्वा हुँदै पुन घण्टाघर चोकमा पुगेर समापन हुने जनाइएको छ ।
