वीरगन्ज । बारामा सम्पन्न कार्यक्रममा ५२ पोका रगत संकलन भएको छ । जनजागरण युवा क्लव बरियारपुर बाराको आयोजनामा भएको कार्यक्रममा उक्त पोका रगत संकलन भएको हो ।
क्लवको २७ औँ वार्षिकोत्सवको अवसरमा आयोजित कार्यक्रममा चार महिलासहित ५२ जनाले रक्तदान गरेका हुन् । रक्तदान गर्नेहरुमा रिना कुमारी, गंगा थापा, मिना गुप्ता, अवधेश प्रसाद यादव, बाबुराम प्रसाद यादव, नवराज घिमिरे, नरेश प्रसाद साह, मुन्द्रीका चौरसिया, सुरेश यादव, पवन सहनी लगायतका छन् ।
महागढीमाई नगरपालिका मेयर उपेन्द्र यादवको प्रमुख आतिथ्यतामा सम्पन्न कार्यक्रममा जनजागरण युवा क्लव बरियारपुर बाराका कार्यकारी निर्देशन डा. श्रीनिवास, उपाध्यक्ष राजदेव साह लगायतको सभागीता थियो ।
क्लवका अध्यक्ष भैयाराम यादवको अध्यक्षतामा कार्यक्रम सम्पन्न भएको हो ।
कार्यक्रममा रक्तसञ्चार केन्द्र वीरगन्जका मनिष गुप्ता, नितेश यादव, लिलाधर साह, समिर अलि तथा रेडक्रस रेशमकोठीका अभिलाष गुप्ता लगायतको टोलीले प्राविधिक सहयोग उपलब्ध गराएका थिए ।
