काठमाण्डौँ । नाबालिका बलात्कार गरेको आरोपमा एक जना भारतीय नागरिक पक्राउ परेका छन् । ८ वर्षीया नाबालिकालाई बलात्कार गरेको आरोपमा एक जना भारतीय पक्राउ परेका हुन् ।
पक्राउ पर्नेमा भारत मोतिहारी दरपाथाना घर भई हाल काठमाडौं चन्द्रागिरि नगरपालिका वडा नम्बर १२ वज्वलेक मेडिसिन प्रालिमा काम गर्ने २६ वर्षीय राजु श्रीवास्ता रहेका छन् ।
बालिकालाई जबरजस्ती करणी गरेको उजुरीका आरधारमा प्रहरी प्रभाग बलम्बुबाट खटिएको प्रहरीले उनलाई पक्राउ गरेको हो ।
पक्राउ परेकामाथि आवश्यक अनुसन्धान भइरहेको प्रहरीले जानकारी दिएको छ ।
