वीरगन्ज । कनिका लोड गरेको ट्रक दुर्घटना हुँदा एक जना गम्भिर घाइते भएका छन् । हेटौँडा उपमहानगरपालिका वडा नम्बर ४ रजतजयन्ती चोक नजिक पूर्वपश्चिम सडकखण्डमा ट्रक दुर्घटना भएको हो ।
वीरगन्जबाट हेटौँडातर्फ जाँदै गरेको ना ६ ख ३३७६ नम्बरको ट्रक दुर्घटनामा परेको प्रहरीले जनाएको छ । रजतजयन्ती चोकदेखि दाहिने मोडिने क्रममा साइकललाई बचाउँन खोज्दा सडकको छेउमा बोरा ओढेर सुतेका एक जनालाई ट्रकले कुल्चिएको प्रहरी नायब उपरीक्षक श्यामु अर्यालले बताए ।
उनका अनुसार गम्भिर घाइते हुनेमा अन्दाजी ३५ वर्षका कृष्ण कुमार न्यौपाने छन् । ट्रकले कुल्चिदाँ उनको बाँया खुट्टाको घुँडाभन्दा तलको भागमा चोट लागेको जनाइएको छ ।
गम्भिर घाइते उनलाई हेटौँडा अस्पतालमा सामान्य उपचार पछि थप उपचारका लागि भरतपुर रिफर गरिएको भइरहेको प्रहरीको भनाइ छ ।
प्रहरीले ट्रक चालक पर्साको जिराभवानी गाउँपालिका वडा नम्बर ९ शंखरसरैया बस्ने ४९ वर्षका सुखाडी भैयालाई नियन्त्रणमा लिएको जानकारी दिएको छ ।
घटनाबारे आवश्यक अनुसन्धान भइरहेको जिल्ला प्रहरी कार्यालय मकवानपुरले जनायो ।
