मकवानपुुर । मकवानपुरमा अटोको ठक्करबाट एक जना पैदलयात्रीको मृत्यु भएको छ ।
हेटौँडा उपमहानगरपालिका वडा नम्बर ६ चौघडाबजारस्थित कान्तिलोकपथमा आज बिहान अटोले ठक्कर दिँदा एक पैदलयात्रीको मृत्यु भएको हो । अटोको ठक्करबाट स्थानीय शान्तिटोल बस्ने ६८ वर्षीय जनक राईको मृत्यु भएको प्रहरीले जनाएको छ ।
हेटौंडा बजारबाट चुच्चेखोलातर्फ जाँदै गरेको ना २ ह २६९२ नम्बरको अटोले ठक्कर दिँदा उनी गम्भीर घाइते भएका थिए । गम्भिर घाइते उनलाई तत्काल उद्दार गरी हेटौंडा अस्पताल लगिएको प्रहरीको भनाइ छ ।
त्यहाँ उपचार सम्भव नभएपछि चितवनको पुरानो मेडिकल कलेज भरतपुरमा लगिएकोमा उपचारका क्रममा मृत्यु भएको मकवानपुरका डिएसपी श्यामु अर्यालले बताए ।
