बीरगन्ज । पर्साको पर्सागढी नगरपालिकामा रक्तदान कार्यक्रम सम्पन्न भएको छ ।
नगरपालिकाको हरपुरमा कार्यक्रम सम्पन्न भएको हो । पर्सागढी नगरपालिका व्यवस्थापन तथा नासा युवा क्लबको आयोजनामा कार्यक्रम सम्पन्न भएको हो ।
कार्यक्रममा १ महिला सहित ३७ जनाले रक्तदान गरेका छन् । पर्सागढीका नगरप्रमुख गोकर्ण पाठकको आतिथ्यतामा कार्यक्रम आयोजना गरिएको थियो ।
सो अवसरमा नगरपालिकाकी उपप्रमुख पुजा चौधरी, नेपाल रेडक्रस सोसाइटी वीरगञ्जका सभापति बिरेन्द्र राज कंडेल तथा वडाअध्यक्ष लगायतको उपस्थिति रहेको थियो ।
रक्तदान कार्यक्रममा रेडक्रस सोसाइटी बीरगन्जका प्राबिधिकहरुले सहयोग गरेका थिए ।
