वीरगन्ज । जनता समाजवादी पार्टी (जसपा) नेपाल पर्साको आयोजनामा बृहत् पार्टी प्रवेश कार्यक्रम सम्पन्न भएको छ । वीरगन्जको डाइमण्ड पार्टी प्यालेसमा कार्यक्रम सम्पन्न भएको हो ।
जनतासँग जसपा नेपाल आधारभूत संगठन निर्माण अभियानका क्रममा आयोजित कार्यक्रममा जसपाका केन्द्रीय अध्यक्ष उपेन्द्र यादवको उपस्थितिमा सम्पन्न भएको हो ।
कार्यक्रममा वीरगन्ज महानगर तथा जगरनाथपुर गाउँपालिकाका गरि करिब ५०० जना युवा तथा महिलाहरुले जसपा नेपाल प्रवेश गरेका छन् ।
नव पार्टी प्रवेशीहरुलाइ पार्टी अध्यक्ष यादवसहित मधेस प्रदेशका पूर्व मुख्यमन्त्री लालबाबु राउत, बालकिशोर यादव, सिंहासन साह कलवार, शशिकपुर मिँया, सुधिर पाण्डे लगायतले टीका एवम् माला लगाएर स्वागत गरे ।
पार्टी प्रवेश कार्यक्रममा जसपाका जिल्ला सचिव, जिल्ला कमिटीका पदाधिकारीहरु, पार्टीको भातृ संगठन, युवा कमिटी, विद्यार्थी कमिटी, महिला कमिटी एवम् महानगर कमिटी लगायतकाको उपस्थिति रहेको थियो । कार्यक्रमको सहजीकरण युवा नेता रितेश बाबु गुप्ताले गरेका थिए।
