वीरगन्ज । पर्साको प्रमुख जिल्ला अधिकारी ९सिडिओ० गणेश अर्यालले आजदेखि कार्यभार सम्हालेका छन् ।
सोमबार जिल्ला प्रशासन कार्यालयमा हाजिर भएका सिडिओ अर्याल मंगलबारदेखि औपचारिकरुपमा कार्यभार सम्हालेका हुन्।
गृह मन्त्रालयले देशभरिबाट १७ जना सिडिओहरुको जिम्मेवारी हेरफेर गरेको थियो । गत कार्तिक ९ गते गृह मन्त्रालयले देशभरिका १७ सिडिओसहित २७ जनाको सरुवा निकालेको थियो ।
सरुवा भएको पाँचौ दिनमा अर्याल पर्साको प्रमुख जिल्ला अधिकारीको कमान्डिङ सम्हालेका हुन्।
यसअघि उनी रुपन्देहीका प्रमुख जिल्ला अधिकारीको जिम्मेवारी सम्हालेका थिए ।
पर्सामा यसअघि प्रमुख जिल्ला अधिकारी दिनेश सागर भुसाल थिए । उनको भैरहवास्थित गौतमबुद्ध अध्यागमनमा सरुवा भएको छ ।
सिडिओ अर्याल प्रशासनिक निकायमा सेवा प्रवाहमा उत्कृष्ट काम गर्ने अधिकारीको रुपमा क्षवि बनाएको जनाइन्छ ।
