वीरगन्ज । पर्साको बिन्दबासीनी गाउँपालिकाका जनता समाजवादी पार्टी नेपालका अध्यक्ष रमेश साह तेली जनता समाजवादी पार्टी (जसपा) प्रवेश गरेका छन् । उपेन्द्र यादव नेतृत्वको जनता समाजवादी पार्टी नेपाल (जसपा नेपाल) पर्सा विन्दवासिनी गाउँपालिकाका समितिका अध्यक्ष तेली जसपा प्रवेश गरेका हुन् ।
मंगलबार एक कार्यक्रमबिच अध्यक्ष तेली अशोक राई नेतृत्वको जसपामा प्रवेश गरेका हुन् । जसपा नेपाल पर्सा जिल्ला सदस्य समेत रहेका अध्यक्ष साहको निर्णयलाई आफूहरुले सम्मान गरेको जसपाका महासचिव एवम् संघीय सरकारका खानेपानी मन्त्री प्रदीप यादवले जनाए ।
यहि बैशाख तेस्रो साता उपेन्द्र यादव नेतृत्वको जनता समाजवादी पार्टी नेपाल टुक्रिएर अशोक राई नेतृत्वको जनता समाजवादी पार्टी बनेको छ ।
